وسألت مصر: إيه العمل ؟؟؟
قالتلي : يابني أنت الأمل
ماتعملش زي الي عمل
وتقول : أنا حضارة ومجد
وترك العمل
ومش هانروح بعيد
ونقول: من وقت الهرم
ونرجع لورا خمسين سنة
فاكر عملنا إيه من خمسين سنة
تعالي نشوف كده
قولتها : مش هانخسر حاجة
قالتلي : طردنا المحتل ،،،
طهرنا الارض ،،،
وبنينا السد
وعملنا ثورة تانيه ف البلد
ثقافية ،،،
علمية ،،،
صناعية ،،،
ووقفنا إيد واحده
وعبرنا القنال
ورجعنا تاني نبني
وفتحنا المجال
*راح الي راح أوعي تندم
قوم فكر وخطط واوعي تهدم
قولتلها : يا مصر ولادك حالفين
عمرهما ما هايباتوا تاني متهانين
هايقفوا تاني أيد واحده
امام أي عدو لعين
وهانرجعك تاني
مصر الحضارة ،،،
مصر المنارة ،،،
مصر التاريخ ،،،
مصر الكنانة ،،،
*قوم يلا يابن بلدي
نبني البلد دي
من النهارده دي بلدي
ومش هاكون سلبي
وهاقول للظلم حاسب !
دي مصر السماحة
مصر الكرم
مافيش فيها للظلم خرم إبره
وأسال الي بنوا الهرم .
ليست هناك تعليقات:
إرسال تعليق