قوليلي إزاي
بتبقي قوية في عز لحظة ضعفك
وتبقي ضعيفة في عز لحظة قوتك ؟
قوليلي منين
أجيب قوانين أوافتراضات
وأحل بيهم معادلتك
قوليلي إزاي
رغم كل المسافات بينا
بتزيد كل يوم في قلبي محبتك ؟
بحبك
ونفسي أقولها بصوت عالي
لكل الكون
بحبك
وهرسم قلبي فيه اسمك
واسيبلك ريشة الألوان
ماهو ذوقك أنا عارفه
جواكي يجي ميت فنان
في روحك الطاهرة دي بلاقي
حب وود وخير وأمان
مواضيع أخري
--
للتواصل
--
A_Mohmady@yahoo.com ***
هناك تعليق واحد:
كلمات واحساس جميل ... دومت رائع بكلماتك
محمد العنانى
إرسال تعليق