كتبت الكاتبة المبدعة " غادة محمد " قصة قصيرة بعنوان " كوب شوكولاته ساخن " وكانت الكلمات في غاية الصدق والإبداع مما دفعني لكتابة هذه
الكلمات
فتحت عيني مرة صدفة
لاقيته جاي من بعيد
بصيتله وكلي شوق ولهفة
لقيته فرحان وسعيد
كان لابس الطقم اللي بحبه
وشكله لسه جايبة جديد
كنت بشوفه في الباترينة
خيالي يروح لبعيد
واتمني حبيبي يلبسه
والإيد تفضل في الإيد
طلبت اتنين شيكولاته
وفضلت قاعدة مستنياه
الناس كلها بتبصلي
وأنا بخيالي معاه
هب الهوا وطير شعري
وعنيا جت في عنيه
الشيكولاته بردت
وإيدي بعدت عن إيديه
حققت بعيني وبصيت تاني
وفضلت قاعدة مستغربه
ياتري لسه بحبه ولا نسيته
ملقتهوش وفضلت قاعدة مبلمة
وافتكرت من يوم البعد
وأنا حياتي مضلمة
قلبي معاه وعقلي تاه
وروحي كمان مني بعيدة
فياتري هايرجع تاني
ولا
هايسبني وحيدة ؟A_mohmady@yahoo.com ***
ليست هناك تعليقات:
إرسال تعليق