أقصي طموحي في يوم الجمعة إني أصحي من النوم
آخد الدش الجميل وأروح علي الجامع علي شان أسمع خطبة بتتكون من عناصر محددة وواضحة
وأطلع بمعلومة واستفاد من الخطبة ، معرفش حضرتك لديك نفس الرغبة دي أم إن حضرتك
بالفعل بتصلي في مسجد فيه خطيب بيفيد الناس مش مجرد بيطلع علي المنبر بيقول أي
كلام في أي حوار ويطلع من موضوع ويدخل في موضوع تاني دون أن ربط بين الكلام وبعضة
ودون أن يراعي حال السامع والفروق الثقافية بين من يجلسون أمامه وعلي شان كده قررت
إني أكتب نصح لكل واحد بيفكر إنه يطلع المنبر يخطب ويوعظ الناس يمكن تفيد بصفتي واحد
من الناس اللي المفروض إن حضرته طاله يخطبلهم .
1/ اعلم عزيزي صاعد المنبر أنك تبلغ عن الله –
عز وجل – ورسولة الكريم محمد بن عبد الله – صلي الله عليه وسلم – فعليك تحري الدقة
فيما تقول .
2/ عليك أن تراعي الفروق الثقافية لمن يجلس
أمامك فجميع فئات المجتمع تجلس أمامك وانت تعلم أن الثقافة تختلف بين الأخوة في
البيت الواحد فكيف بأناس لا يلتقوا بعضهم البعض إلا في صلاة الجمعة .
3/ في حديث صحيح عن أمنا عائشة – رضي الله
عنها – بتقول فيما معناه : إن أول آيات القرآن نزولا الجنة والنار ... إلي آخر
الحديث . أعلم أنك تمتللك من الذكاء ما يجعلك تدرك أن ما أريده منك أن الدين ليس
كله ترهيب وكذلك الترغيب فلكل شيء نقيضة .
4/ لازم تبقي عارف إن في ناس ما بيدخلوش
المسجد غير ساعة الصلاة وبيفضلوا واقفين برا المسجد مستنينك تخلص عشان يصلوا ، مش
بقول النقطة دي علي شان تنجز في الخطبة ولا حاجة بس بعرف حضرتك إن في فئة لازم
وضروري جدا توجهلهم كلامك ونصيحتك .
5/ إنسي المنطق الأبوي خالص علي شان ولا واحد
من الي قاعدين في الصف الأول ولا اللي واقفين في الشارع بقي ياكل معاهم المنطق دا
خلاص .
قصرت نصائحي علي هذا الحد وهناك العديد من
النصائح يمتلكها غيري علهم يكتبونها في تعليقاتهم أو يرسلوها لي لتعم الفائدة .
A_Mohmady@yahoo.com ***
ليست هناك تعليقات:
إرسال تعليق