*
طبعا العنوان ممكن يخليك تقول عليا قليل الأدب أو ترمي التهمة علي الثورة وإن دا
اللي خدناه منها إنفلات الشباب الأخلاقي مع إننا لو رجعنا لأصل الكلمة هنلاقيها
جملة إعتراضية وكعاده المصريين بيختصروا أي حاجة فاحتصروا جملة " إني حقا
أعترض " أو " أنا حقا أعترض " وخدوا أول حرف من كل كلمة وخلوها " أحا " واللي استخدمها
المصريين رجال ونساء وشيوخ وأطفال ورضع في الظاهرت اللي اجتاحت العالم العربي كلة
بعد إعلان عبد الناصر إنه اتنحي رغم إنه المسءول الأول عن نكسة 67 واللي عارها
هايفضل ملازم لكل الأجيال ما بقت الدولة الصهيونية علي قيد الحياة ، تختلف مع عبد
الناصر أو تتفق مش هي دي قضيتي إنما اللي معروف ومسلم بيه في كتب التاريخ إن ناصر
انحاز بشدة للشعب الفقير وحسسه بالتغير وإن في ثورة في البلد بكررها تاني مهما كان
اتفاقك أو إختلافك مع عبد الناصر وهو دا الحال اللي إحنا شايفنة في ظل أول رئيس منتخب
بعد قيام ثورة يناير المجيدة فتم بحمد الله تعالي القضاء علي كل الأعضاء البارزين
في الحزب الوطني المنحل والذي تسبب في فساد البلاد والعباد علي مدار الأعوام
الماضية وتم القضاء علي أزمة القمامة كما وعد الرئيس المقيد من الله في المئة يوم
الأولي من حكمة وعاد الأمن والأمان لدي المواطنين واختفي الإهمال من جنبات مصرنا
المحروسة في ظل قيادتة الرشيدة واختفت أيضا حوادث القطارات والطرق السريعة وأصبح
رغيف الخبز في متناول الجميع ونهض اقتصادنا نهضة وقفت أمامه كل الدول في حيرة من
النهوض السريع والتعافي المفاجيء دون اللجوء إلي صندوق النفقد الدولي لأخذ قروض
ربوية محرمة ولأول في مرة في تاريخ الحكومات إمتلاء ميدان التحرير للوقوف ليعارض
المعارضة والمطالبة بتنفيذ السريعة الإسلامية ، بس الغريب في الموضوع دا كله إن
الإنسان إختفي من البلد ومابقاش ليه أي قيمة ودمة أبقي أرخض شيء سواء كان علي
الحدود أو داخل البلد نفسها . وهنا بيحضرني الشعار القديم أيام ماكانت مصر مملكة
" الله ... الوطن ... الملك " اللي اتغير علي إيد أم كلثوم إلي "
الله ... الله ... الله " وعلي شان كده قرر الرئيس محمد مرسي محاسبة المقصرين
في أحداث تصادم القطار وقبول إستضافة وزير النقل علي الرغم من إنه لما كان عضو في
البرلمان سنة 2005 في حادث قطار الصعيد صرح إن الموضوع دا ما تطرش فيه أقل من رقبة
رئيس وزرا ثم وزير النقل بس الظاهر إني كنت صح لما قولت : إن الحلواني اللي بني
مصر نسي يمسح كرسي الحكم علي شان كده كل اللي بيثعد عليه بيلزق " .
