ولاقامت في مصر ثورة
ولا اللي مات فيها شهيد !
ولا سقط نظام جبان
ولا اللي جه نظام جديد
والفكر زي ماكان
يعيش الملك ... ويموت العبيد
بس في حاجات اختلفت
هاقولك منها عالمفيد
عشان اقتصادنا واقع
فكرنا ناخد قرض !
وعشان الحق ضايع
اهتمينا اكتر بالفرد
أوعاك تفتكر إنه المواطن
أنا أقصد طبعا
" فخامة الرئيس "
اللي هايطبق الشريعة
ويرجع هيبة البوليس
بس عنده شوية مشاكل
مع واحد علماني خسيس
قرر إنه يناضل مع واحد اشتراكي
وناصري وثوري وشيوعي
فالرئيس أصدر أمرة الفوري
افرجوا عن جماعة الجهاد
وعلي حسب الدقون
هانفرق بين العباد
اللي مش معايا يبقي ضدي
والحبس أهو لسه موجود
هو صحيح مليان ثوار
بس إحنا هناخد قرار
وهانمنع المواقع الإباحية !
ليست هناك تعليقات:
إرسال تعليق