حد فاهم حاجة من اللي بيحصل ؟
محسوبكم حاسس إنه غبي
ألف باء سياسة بس الأول
صلوا ع النبي
الناس كلها بتتكلم
مدني ولا عسكري
مع إن العسكر قالوها
الحكم هايبقي مدني
في الجمهورية الخامسة
أنا هاختار بإرادتي
بس الفترة ديه
حاسس إني غبي
وطبعا هاتقولي : دا مش إحساس
إنت فعلا غبي
هاقول : طب فهمني
إيه الي بيحصل دلوقتي؟
**
مسلم ومسيحي يعني إيه ؟
غير ولاد وطني
في ناس لحد دلوقتي ما تعرفش
يعني إية كلمة مصري ؟
هاقولك اللي أعرفة
وخليه حلقة في ودنك
مصري يعني قبطي
وآدي الموضوع ببساطة
يعني أنا وإنت فبطي
لأن أنا وأنت مصريين
والمصري هو القبطي
ليست هناك تعليقات:
إرسال تعليق