أول ما مسكت القلم
قالولي : أكتب اسمك
ولما جبت اللوحة
قالولي : عبر برسمك
ولما نطقت وقولت :
مصر
قالولي : يسلم قولك
عقلك كبير ومنور
قوم ورينا طولك
اكتب
ارسم
فكر
وعبر بقلمك
ولانك قولت : مصر
هايصح بدنك
وقولك
نسمع منك
ونفهمك
تعلمنا ونعلمك
نقعد نفكر في أحلي
كلمة نطقت بيها
مصر
**
ميم وصاد وراء
وشعبها الغلبان
ولا ضعيف ولا حاجه
دا عامل زي البركان
اتعلم الصبر من أيوب
يصبر بيه علي الطغيان
ورضوا شعب نمرود
مع إنه فقير وكحيان
لما يحب يعمل حاجة
لا يهمة ملك ولا سلطان
بيكتب التاريخ كالعادة
يدوب في رمشة عين
يهزم تتر
عدد البشر
الوف الوف
في الشدة أقوي
من الحجر
**
وفي عز الشدة
ولد ابن نكته
يضحك ينكت
والظالم يجبلة نقطة
يتعجب من ضحكتة
يتجنن وتجيلة ساكتة
أما صحيح يا ولاد
بلد غريب
وناسها أغرب م الغرابة
يعيش في جنة
أو يعيش في غابة
ابن نكته وضحكته
كلها طيابة
لو تشوفوا وهو بيضحك
تنسي الهم والكآبة
**
أدان في الكنيسة
وجرس جوا الجامع
ومحمد بيحب عيسي
وحدوا الرب الواحد
وكلهم كانوا في الميدان
واحد
ماكنش في حد منهم
واقف بعيد
كلنا مع بعض قولنا :
الشعب يريد
ولو حد دخل ما بينا
هانقولة :
أبعد بعيد
دا احنا ولاد مصر المحروسة
من غير شعرات كدابة
أحمد ومينا
وشهم كله بشاشة
لا فرقهم إحتلال
ولا هايفرقهم غبي
اللي يفكر إنه يوم
مصري هايبيع مصري
لانه في الأساس
القبطي تعني مصري
ليست هناك تعليقات:
إرسال تعليق