يا تري إيه الحكاية
وليه مش عارف أنام
بفكر في اللي فات
وأتوه وسط الزحام
مع إنهم قالوا :
اللي افات مات
وبلاش كتير كلام
هو صحيح مات
ولا لسه في أثر
جرح جوا القلب
بينزف زي المطر
ولا العمر اللي ضاع
والصحة اللي في خطر
أنا صح ولا غلط
سؤال بيلف ويدور
وخلاص دماغي بقت
زي الإزاز المكسور
مش عارف أفكر في بكرة
وأفكر فيه ليه ؟
وليه تجيني فكرة
وهاعمل بيها إيه !!!
القفص اتكسر
والعصفور طار منه
والمعبد وقع
علي دماغ اللي بناه
ومحدش فكر يسأل عنه
ما هو لما العجل بيقع
بتكتر سكاكينة
والكل بسرعة
بيتخلص منه
ولكل مشكلة حل
ولسه في أمل
صفي قلبك وأدعي ربنا
وأكيد هتلاقي الحل
ليست هناك تعليقات:
إرسال تعليق