* بعد طرد تركيا للسفير الإسرائيلي وكان قبلها فنزويلا أحب أفكروا بحاجة حصلت كده علي الحدود بين مصر وإسرائيل وكلام دا بيني وبين واحده من أكتر الناس الي بعزهم وبحترمهم هاقولك علي الحوار بس بعد لما تعرف إن الشباب كان منفعل من كلام أحد كلام أحد القوات المسلحة في التربية العسكرية بالجامعة حينما قال أن المجلس طلب من إسرائيل الإعتذار مع تصفيق حار والكلام دا من شاهد عيان موثوق من كلامه !!! وخد عندك الحوار
-ممكن أعاكس شوية
=تعاكس إيه بس ، دا أنا هنحارب خلاص
، الظاهر أني كنت في غيبوبة هنحارب مين ؟-
=إسرائيل ، أربعة مصريين ما توا علي الحدود
-دا إمتي الكلام ده
= نعم !!! - وكان هاين عليها تضربني – خش عيل الجزية ولا أي موقع
-أصلي مش متابع اي حاجه والله
=لأ تابع
ما انتوا الي هاتروحوا تحاربوا
-طب نلحق نعاكس قبل مانحارب
= يخربيت الروقان
ههههههههههههههه-
روقان ايه بس دا البلد حالها بايظ والبلطجية مواقفين المواصلات خالص
انا من 9.20 ل 1 في مشوار والمصلحه خلصت في نص ساعه والباقي مواصلات
= يادي النيلة ، معلش ! لما تروحوا تحاربوا مش هايبقي في أي مصالح
-وانا أحارب ليه
= وما تحربش ليه
-لان مش هايبقي في حرب من الاساس
= آآآآآآآآآآآآآآآآآه طيب
-هاتشوفي هايخلص في الحبيني زي اللي قبله
= لا ما يخلصشي
-بس ممكن السفاره تتقفل ونسحب السفير بتاعنا وبعد كده نرجعهم تاني
= لأ مانرجعش حاجة بقي بلا قرف
-لو مخلصش أطلع أنا وأنت ع الحرب
= والله لو يخدوني أنا موافقة
-ما انت مش هاتقفي ع الجبهو انت هاتروحي المسنشفي ع شان المصابين
= أيوا صح
-بيقولك سامي عنان رايح سينا اهو
= أنا عارفة الفيلم دا ، سمعتهم
-علي شان تعرفي انه مافيش حرب
= طيب يا أحمد ماشي
وللأسف أنقطع الإتصال ومكملناش الكلام ومافيش أي حاجة حصلت و معرفش إحنا ساكتين ليه ومن مصلحة مين إننا نسكت بس أحب أوجه رسالة شكر لتركيا واللي طبعا وضعت المجلس العسكري في خامة اليك زي ما بيقولوا في لعبة الطاولة ولا كأن في أي حاجة حصلت في مصروللأسف "كأنك يا ابو زيد ما غزيت " .
ليست هناك تعليقات:
إرسال تعليق