توتا النهارده
تلت سنين
لعب وشقاوة
وكلام عيال صغيرين
من يوم ولادتك
والبيت نور
الضحكة مالية وشها
أصل وشها مدور
لو يوم عدا وماشوفتهاش
فاليوم دا مش محسوب
لان عمري فيه مش محسوب
توتا النهارده
تلت سنين
لعب وشقاوة
وكلام عيال صغيرين
فاكر يوم ولادتها
كأنه لسه امبارح
أصل السنين بتعدي
بسرعة
والبلح في النخل طارح
وقالولي: مبروك
بقيت عم
خش سمي وكبر
ونقط الحلوة
فقولت النقطة دي حاجه تغم
أصلي كنت انضف م الغسيل
بعد ما اتنشر واتلم
توتا النهارده
تلت سنين
لعب وشقاوة
وكلام عيال صغيرين
بقالها سنتين بتقولي ياعمي
وف السنه التالته ناديني باسمي
أحمد يا عمي
قولتها : نعم يا روح عمي
قالتلي : شغلي ددو علي
قولتلها : هانشغل جدو علي
وكل الاغاني الحلوة
النهارده عيد ميلادك
والكل بيحبك
وكل الناس هاتقوللك
سنه حلوة يا جميل
سنة حلوة ،،،
سنة حلوة،،،
سنة حلوة
يا جميل
ليست هناك تعليقات:
إرسال تعليق