مين الي قال ان دي ثورة
دا شوية قلة مندسة
عملة ومجندين
قاعدين بياكلوا كنتاكي
وبيقبضوا بالدولار
مش هما دول المصريين !
المصري ما ياكلش كنتاكي !
ومايقولش للريس اتنحي
دا ابونا او فرعونا
اعلنها بصراحة وكان شجاع
انا في مصر اله
والي حولية صدقوة
وقالوا اله ونص كمان
علاء نص
وجمال نص
وماننساش ماما سوزان
نسيتوا ان المصري
خير اهل الارض
**
قام الشباب وثار
وفجر ثورة من نار
العالم ككلة اتفرج
وكان مذهول
بقي هما دول
الي بياكلوا فول
دول شباب سيس
من اول طلقة هايغور
اضرب نارك يا عسكر
اعميهم
بغاز امريكي ملعون
وتاريخة منتهي كمان
يا وقعه الشوم
شاف الولاد النار
المارد فاق وصحي
مسك كنبلة الغاز
ورمي بيها ع العسكري
وقف قدام المدرعات
هزم الامن
الي محدش يقدر يهزمة
نزلة الجيش
عملة تعظيم سلام
مهما دول حماه الوطن
الثورة غيرت كتير
والعقول لسه مش مدركة
دا شباب الفيس بوك ؟
دول الي مالين القهاوي
دول الي بيجروا ورا أي
شهوة كنا بنغريهم بيها
شوف العجب يا ولاد
الثورة فيها بنات
ولا حد اتحرش
ولا حد اتهرش
ولا حد قال كلمة تجرح
اخنة في الوطن خاف عليها
أول مره يتجمعوا
وقالوا لا
للظلم لا
للفساد لا
للجهل لا
للفقر لا
لا ولا والف لا
من ساعة ما وعيت ع الدنيا
وانا مش شايف غيرة
مش شايف عدل
ولا اي وعود اتنفذت
ولسه ناس بتغنيلة بالعود
والهليبة والنهيبة
والشلة الي حولية
الي بيقولوا انهم غموا عنيه
ودي كارثة اكبر من انه عارف
شباب التحرير
عذرا لمن تكلم في حقكم
فقد احييتم الامة
والي جاي افضل اكيد
هاكتب تاريخ شهدائك بنور
هما الي نورولنا الطريق
والتغير لازملة ابطال
ابطالنا
مش هاننساكوا
كتبتوا التاريخ بدماكوا
ولا قادر اعبر واكتب
الكلمات مش هاتوفي حق
من صحي امة ومات شهيد
هناك تعليق واحد:
كلام غاية فى الابداع والدقة والاحساس ما شاء الله عليك
سلمت يداك والى المزيد العربى السمان
http://lambahsahary.blogspot.com
إرسال تعليق