آه يا وطن مفبش فيه
مستقبل غير بس للظالمين
والشعب فيك لازم مايقولش
غير كلمة آمين !
مهما حصل وهايحصل
هانفضل فيك عايشبن
علي حلم إنك تتحرر
مهما طالت السنين
ومهما طال الظلم
ومهما تكبر الظالمين
لينا رب كبير
من اسمائه المعين
بيه هانستعين ونحقق حلمنا
مهما طالت السنين
ديما بنتباهي بمعارك
من زمن فات
ونفضل نعيد ونزيد
في حكاوي البطولات
ونمصمص الشفايف ونترحم
علي حطين وعين جالوت
ونفضل نهمس ونتكلم
واللي صوتة يعلا يموت
وملوش أي ديه
فخلوا الكلام من سكوت
واللي هايتجاوز حدوده
أكيد لازم يموت
ودا قانون وضعي
في عهد كل الطغاه
ع شان يرهب الشعب
ويحافظ علي كرسيه
يـــــــــــــــامصر
وانت حميكي الاله
علي باب زويلة
علقتي كل الطغاه
وعلي مر العصور
انت الملاذ والنجاه
وابتديتي ثورة وطن
زلزلت كل عروش الطغاه
لما ولادك في التحرير
صرخوا وقالوا آآآآآآآآآآآه
وفاقوا من غفلتهم الطويلة
والثورة مستمرة
الثورة مستمرة
الثورة مستمرة
ليست هناك تعليقات:
إرسال تعليق