* طبعا كل اللي خرج يوم 25 يناير 2011 كان نازل بمطالب محدودة وهي " عيش ، حرية ، عدالة إجتماعية " وبعد كده الموضوع اتطور جدا وحصلت الثورة المصرية اللي أشاد بيها العلم كله ما عدا المصريين أنفسهم ! بس ماعلينا وبعد مرور أكتر من سنة علي الثورة في ناس مش واخده بالها من إنجازات الثورة وعلي شان كده قررت أكتب لكم بعض من إنجازات الثورة علي شان طبعا محتاجين وقت أطول علي شان نكتب كل الإنجازات .
- ظهور المبدع باسم يوسف وبرنامجه " البرنامج " .
- تغيير ترددات القنوان وأرقام الموبايلات .
- إننا بقي عندنا رئيس سابق علي قد الحياة أو بمعني أصح مخلوع .
- إننا عندنا شهداء محدش قاتلهم .
- كثرة الدقون و ظهور ولاد أبو اسماعيل .
- تبديل الأماكن بين رموز الجماعة المنحلة والحزب الوطني المنحل .
- تبديل كلمة رئيس مجلس الشعب من " موافقة " إلي كلمة " وافق المجلس " .
- عمل قناة خاصة بمجلس الشعب بتذيع جلسانة .
- ظهور فئة المواطنين الشرفاء .
- رفع الآذان تحت قبة البرلمان وحجب المواقع الإباحية ! .
- الغاء التوقيت الصيفي .
- الناس بقت تتابع يسري فودة .
- ظهور مولد جديد في مصر وهو مولد " الترشيح للرئاسة " .
- تغيير اسم محطة مترو رمسيس من مبارك للشهداء .
- بقي في منصة صريحة للإخوان في ميدان التحرير .
- بقي عندنا قنوات للعهرالشعبي – الفن الشعبي سابقا - بتنافس قنوات العنف – المصارعة الحرة - .
- الناس بقت تتفرج علي قنوات الفراعين بدل قنوات الكارتون علي شان تضحك .
طبعا لو قعدنا نعد ونقول مش هانخلص بس زي ما هو واضح من العنوان " من إنجازات الثورة " يعني مش كل الإنجازات علي شان الناس تفكر برضوا .
ليست هناك تعليقات:
إرسال تعليق