*يا ابو سيف ونسر وبدلة زيتي
أحب أقولك : مصر دي بيتي
هاعيش فيها حر مرفوع الراس
ولو مت أو اتصبت هاتكمل إخواتي
--
*نقطة المية في البحر ماتزودهاش
وقصص الحب حلوة لما بتتعاش
مهما قريت وسمعت لازم تعشها
دا في حلوتها وجمالها ماشفتاش
عجبي !!!
--
*الكورة في الملعب والكل بيجري وراها
زي السنيورة الكل عاوز ينول رضاها
وهاتقولي إزاي بتربط بين الإتينن ؟ !
لأن أي واحد فيهم في الشبكة يا محلاها
عجبي !!!
--
*معرفش لسه شوية ولا لسه كتير
حـبـي لـيـكي كــان بـدايـة التغيير
كل حاجة في نظري اتــغــيــرت
والبداية كانت من ميدان التحرير
عجبي !!!
--
* حزنك وفرحك دا شيء عادي
ليه في الحزن بتفضل تتمادي
هي لحظة وهاتعدي والسلام
وخد كل شيء علي إنه شيء عادي
عجبي !!!
--
* ورقة مرمية ومقطعة لقيت فيها اسمك
الوحيد اللي فاضل بس مش دا خطك
ليه بقي بتقولولي أنساها وأنسي حبها
مع إن الورقة فضلت حافظة اسمها
عجبي !!!
--
* يالي إنت ماشي بتقل ودلـع
أنـا قـلـبـي فـيـه حـريق إندلـع
وبلاش تسوق أوي في الدلال
ويـاريـت كـمـان تـبـطل دلـع
عجبي !!!
--
* وفي كل وقعة لازم تتعلم
وبعلو صوتك تصرح وتتألم
واوعاك تسيب نفسك للحزن
بس ياريت من الحزن تتعلم
عجبي !!!
--
* ليه الخلاف بينا بقي إختلاف !
ومن بعض بقينا ديما بنخاف
مع إننا لازم نخاف علي بعض
دا علي شان مصر لازم نخاف
عجبي !!!
--
* خـوفـك وحـلـمـك منك ولـيـك
ماتسبش خـوفـك يـقـضي عـليـك
وطير ورا حلمك وحاول تحققه
هانفرحلك ونقولك : الله عـلـيـك
ليست هناك تعليقات:
إرسال تعليق