* بعد آخر إمتحان والبداية العرفية للأجازة –
لسه الأجازة مبدأتش رسمي – لقيت عمنا الفيهم - بيقولي : هاتقضي الأجازة إزاي =
قولتله : عادي يعني هاقضيها ازاي أجازة زي أي أجازة ، لقيته بصلي باستغراب وقالي :
يابني لازم يكون ليك ستايل ؟
=إزاي يعني ؟ ماهي هي الأجازة
بتاعه كل سنة ولا اتغيرت السنة دي
-إنت عايش في كوكب تاني شكلك كده يابني تابع اللي بيحصل في البلد وإنت تعرف
إن في ناس معروفة بستايلات معينه
=مش فاهم بصراحة
-أبسطهالك ازاي ... لقيتها
=قول يا عم ارشميدس
-إنت تعرف تويتر ؟
= حد قالك إني من عايش في الكوكب التاني اللي كان عاوز يعيش عليه مدحت صالح
!
-يابني مش قصدي إنت عارف إن في هاتشاجات بتتعمل وكده
= إيه دخل الكلام دا بالستايل اللي بتقول عيه
-ثواني وهاتفهم
وراح مطلع القلم من جيبة وعلي ضهر ورقة الإمتحان قعد يكتب وبعد كده راح
مديني الورقة
-هو دا اللي كان قصدي عليه اتفضل يا سيدي . ولقيت في الورقة الكلام دا
* يستطيع الطالب
المصري أن يقضي وقته في أشياء كثيرة وبناءا عليه هو لا يفعل أي شيء #الكتاتني_ستايل
* عليكم تعرفوا أيها
المصريين أن الطالب المصري هو الوحيد الذي يعرف كيف يقضي أجازتة ولو سعودي عمل كده
كنا بنادي عليه يا مصري #العريفي_ستايل
* اللاب توبات
والكومبيوترات ما بيفصلوس في الأجازة ليل ونهار شغالين لو مش لعب للتحميل أو الشات
ماذنب اللابتوبات والكومبيوترات #المرشد_ستايل
اللي بيتكلم عن فراغ
الطلبة في وقت الأجازة أكيد هما الفارغون #مرسي_ستايل
*أين البرلمان حتي
لايضيع وقت الطالب في الأجازة دون فقرات كوميدية وإثارة جنسية وكذب وتشويق #العريان_ستايل
*أكيد السؤال المتكرر
: هاتعمل إيه في الأجازة أحب أقولك بعد لما أفشخ ضبي أنا سعيد إنك سألتني السؤال
دا ومش هجاوب #أبوسماعيل_ستايل
* آه خصلت إمتحانات
وقاعد فاضي ما بعملش حاجة بس أنا مش في أجازة #أبوالفتوح_ستايل
* الأجازة في جو غير ديمقراطي لا يحقق للطالب الإسترخاء المنشود ونطالبهم
بمقاطعة الأجازة #جبهة_الإنقاذ_ستايل
* لاتضخموا الأمور واعطوا كل شيء حجمة الصحيح فالأجازة لا توصف بأكثر من نص
كلمة " راحة " #أحمد_رجب_ستايل
* وبعدين الأجازة في الجو اللي إحنا فيه دا عاملة زي اللي دخل الحمام ونسي
يفتح الستوستة #باسم_يوسف_ستايل
فكر في كل اللي بتشوفه حواليك وأكيد هتلاقي ستايل لكل واحد ، إنت بقي
ستايلك إيه ؟
*الأجازة بتبين الناس علي حقيقتها ، عشان في أيام الإمتحانات الكل بيصلي
وبيعرف ربنا إنما أول ما تبتدي الأجازة الصياعة تشتغل بقي والبلطجة والفجور
#الواد_المؤمن_ستايل
فكر في كل اللي بتشوفه حواليك وأكيد هتلاقي ستايلات أكتر من دي ، بس السؤال
المهم بقي : إنت بقي ستايلك إيه ؟
للتواصل
A_mohmady@yahoo.com
