الأربعاء، 19 سبتمبر 2012

خلاص فقت

قصيدة الأربع
--


علي فرشة الموت
لاقيتها متبسمة
الفرح مالي عيونها
وملامحها متقسمة
زي ماتكون سليمة
وضحكتها مجلجلة
نادت عليا ... معرفتش
أرد من كتر الدهشة
مسحت دموعي بإيدي
وجسمي كله في رعشة
إيه اللي حصل ؟ وإزاي ؟
دا الكل قال إنها ميتة
تبقي إزاي في فرشته
وتنادي عليا وهي متبسمه ؟ !
روحتلها بعد ماطال الانتظار
قولتها : إزاي إنت مش متألمة
ولا كإن فيكي حاجة
راحت فين جراحك المعلمة
علي كل قلوب البشر
اللي بقت مستسلمة ؟ !
وإزاي صحيتي تاني
وقادرة إزاي تتكلمي
قالتلي : أنا عمري ما مت
وعلي طول باجي في ميعادي
لو طالت سنين الصمت
هايعلي في يوم صوت ولادي
اللي إنت شايفهم في استسلام
ومطمنلهم كل الأعادي
دول جواهم مارد جبار
يطلع وقت المحنة
ما أهو أصل المعدن المصري
بيبان في وقت الشدة
زي الدهب لاجل ما يلمع
لازم يعدي في النار
ومين اللي قال : إني
راقدة علي فرشة الموت ؟
دا أنا بس بستريح
من طول فترة السكوت
أصلي باتعب منه
ولا اتعبش م الأصوات
اللي خلاص رجعت تاني
وع شان كدة أنا صحيت
وناديت عليك يا أسمر
ما أنت خلاص فقت
وبقيت تطالب بحقك
وفي محبتي دوبت
اهتف وزعق وقول كمان
اصحي يا عالم أنا خلاص فقت
ورجعت المصري بتاع زمان
وفي محبتها دوبت
وحقي مش هاسيبة
لو مهما طالت السنين
هافطل أطالب بحقوقي
منا خلاص فقت
12/7/2012

الثلاثاء، 18 سبتمبر 2012

ماتخدش في بالك ... الرصيف اشتكي

كل تلات

*سلسلة شبابية بقلم شاب لكل الشباب مع بعض الحبكات التي قد تبدو درامية في بعض الأحيان والتي لا تخلو من الفائدة في بعضها الآخر .


الرصيف اشتكي
--
 * الكل مع بداية الدراسة بيستعد المحلات علي شان موسم وأولياء الأمور علي شان يشتروا لأودهم أو بناتهم اللي هما عاوزينه من أقلام وكراريس وجلادات والذي منه وبرضوا بيستعد الصيادين ( شباب النواصي أو البنات اللي مقضياها ) لموسم جديد من الصيد ، وكل ما أمشي في حته أشوف جوزين غربان ماشيين مع بعض وعمالين يفعصوا في إيد بعض وعمالين يهمسوا ومش محتاجة فكاكه إنك تعرف إن الاتنين بيضحكوا علي بعض لإنك بعد أقل من شهر بتلاقيه ماشي مع واحده تانيه وهي ماشيه مع واحد تاني ويفضلوا رايحين جايين عصافير حبايب عشاق والجو كله حب وهيام بس اللي بينغص عيشتهم غن ديما الرصيف بيشتكي !

السبت، 15 سبتمبر 2012

الفيهم ومشكاحة ( 1 )


كل سبت
--
 * قاعد في الكلية في أمان الله وجالي هاجس هايبقي بكرة حالي إيه وهايبقي شكلي إزاي ومش عارف ليه كملت معاه وبسم الله ماشاء الله لقيت المستقبل اسود من ليله سودا كودة ملهاش أي ملامح ولا باينلها آخر والي نقذني من الهاجس المرعب دا عمنا الفهيم ولقيته عمال يخبط فيا ، وأول ما فقت استعذت بالله من الشيطان الرجيم وافتكر الفهيم إني بستعيذ منه وزعل وكان هايمشي بس مسكت إيده وقولتله مش بتعوذ منك وهاحكيلك كل حاجة بعدين قولي بقي إيه اللي مخليك مش علي بعضك كده ؟
- قالي : مش علي بعضي إزاي يعني منا زي الفل أهو
= قولتله : لخص وهات من الآخر هو أنا لسه هاعرفك دلوقتي
-أقولك وماتضحكش عليا
=قول يا سيدي وهحاول ما أضحكش
-خلاص مش هاقول
= خلاص يا عم قول ومش هاضحك عليك
-أنا قابلتها علي فكرة
=قابلت مين يابني ! مش ناقه الغاز وحياة أبوك
-يابني مش ألغاز ولا حاجة قابلت السندريلا
=لا اله إلا الله ما كنت زي الفل من شوية سندريلا إيه يابني ما سعاد حسني – الله يرحمها – طلعتلك من قبرها يعني ولا إيه ؟ !
-يابني مش سعاد حسني دا اسمها مشكاحة
= آآآآآه قولتلي بقي كده الصورة وضحت وابتديت أفهم بس مبدأيا مافيش غير سندريلا واحده بس واسمها سعاد حسني – الله يرحمها – حتي لو كانت مشكاحة بتاعتك اللي ما اعرفش عنها أي حاجة دي ، اتفقنا .
-طيب يا عم مالك قلبت زي وابور الحرت كده ليه ؟ دي ليلي بتاعتي أو جوليت او اي أميرة في أي قصة حب من ألف ليله وليله
= إيه ياعم إنت مش ناقص غير إنك تنادي مسرور وتقطع رقبتها في آخر كلامك ! وبعدين قصة حب إيه اللي بتتكلم عنها وعمرك ما جبت سيرتها علي لسانك ودي أول مرة تكلمني عنها إنت بتلعب بديلك من ورايا ولا إيه يا ماو ؟
-أبدا والله ما انت عارفني مابخبيش عنك أي حاجة دا أنا حتي لسه شايفها من شوية !
=اللهم طولك ياروح ، لسه شايفها وقصة حب من الف ليلة وليلة ماتجيب م الآخر واشجيني بس هات الشريط من أولة وكلي آذان صاغيه .
-أيوا أنا عاوزك ساكت كده علي شان أحكيلك كل حاجة
-احكي علي أقل من مهلك بس ما تنساش تشيل الحاجات اللي ملهاش لازمة من الموضوع
=حاضر يا سيدي ... قابلت الواد بهلول بالصدفة وانا جايلك ما أنت عارفة كييف يقعد علي النجيلة وكان رايح للشلة بتاعته وبعد ما سلمت عليه قالي تعالي أعرفك علي الناس اللي بقعد معاهم قولتله ماشي يا سيدي واحنا داخلين عليهم من بعيد لمحتها كده وهي قاعده زي ماتكون ملكة وحوليها الخدم بتوعها ومابقتش عارف أعمل إيه جسمي كله اتخشب وبقيت عمال اجيب في عرق وقلبي كان هايكسر ضلوعي من كتر الدق ومقدرتش أعمل حاجة غير إني اتعرفت باساميهم وحاولت أخبي اللي أنا فيه وروحت مستأذن لقيته بيقولي : علي فين يا مان . قولتله إني رايح أجيبك علي شان انت قاعد لوحدك ونقعد كلنا سوا .
-نعم !!! يعني إنت علي شان تهرب تدبسني معاك وبعدين ما أنت عارف إني مابحبش أقعد علي النجيلة ولا بحب قاعده الواد بهلول دا من الأساس
=معلش بقي خدمه لأخوك عاوز أشوفها تاني
-ياعم إنت أول مرة شفتها كان ناقص نتصل بلاسعاف تيجي تاخدك أمال لما تشوفها تاني هاتعمل إيه ؟وبعدين من أول مرة شوفتها فيها حبتها كده علي طول وفي ساعتها كمان ، مش غريب الموضوع دا .
= دا اسمة الحب من أول نظرة يا جاهل .
-ماشي ياعم المتعلم سيبني بقي في حالي دلوقتي وروحلهم مطرح ما هما قاعدين .
=انت هاتستهبل ولا إيه أمال مين اللي هايقول بيتين شعر جامدين عن الحب وإحنا قاعدين كده ، وكمان تقولي بيتين شعر علي شان أعرف أرد عليك
-وكمان عاوز أقولك شعر ما انت جاهل بالشعر العاطفي
=أبوس إيدك قولي حاجة كده من نزار او رامي او شوقي أي حاجة تعجبك مش هانقي بس يكون سهر وبسيط الحق احفظهم ولا أقولها شعر أحمد مطر ولا درويش عن السياسة !
-مش دا اللي كنت من كام يوم واجع دماغي إنه كلام فاضي ومافيش غير الشيعر الملحمي والسياسي مع إن الشعراء اللي بتقرالهم كاتبين شعر رومانسي بس مابتحبش تقراه ... غريب يا هاني .
= ياسيدي آسف ليك ولكل فطاحل الشعراء الخالد ذكرهم افتكرلي حاجة بقي كده وخليك حلو
مابقتش عارف أقوله إيه كده وهو جايلي علي فجأة وخدني من الهاجس اللي كنت فيه وقعد يحكيلي عن واحده أول مرة يشوفها وعاوزني أقوله شعر وافتكرت حاجة كده لعمنا نزار
-بص هاقولك حاجة كده لعمنا نزار ماتطلعش غير للحبايب بس
= ماشي يا سيدي سمعني
-بص يا سيدي عمنا نزار بيقول :
عيناك كنهري أحزان
نهري موسيقي حملاني
لوراء وراء الأزمان
أأقول أحبك يا قمري
آآآه لو كان بإمكاني
وسمعت منه صوت تنهيدة وهو بيقول آآآه وكان مغمض عينه شكله بيرجع صورتها في ذهنه تاني وزي ما بيكون بيقولها الشعر ورحت مكمل
فانا لا أمك في الدنيا
إلا عينيك وأحزاني
وراح فاتح عينيه ولو كان في أي حاجة في إيده كان حدفني بيها
= إنت خلاص قلبتها أحزان كده من أولها من قبل ما الموضوع يبتدي أساسا وبتقولي ما بتطلعش غير للحبايب أمال لو واحد مخنوق منه هاتقوله إيه ؟
-لا دا موضوع تاني بقي ، وبعدين يا سيدي حقك عليا ما انت اللي جايلي علي غفلة وبتحكيلي فيلم هندي عاوزني اعملك ايه يعني ؟
وقطع كلامنا صوت بهلول وهو بينادي علينا وقال لعمنا الفهيم : إيه ياعم كل دا بتجيبه ، هو مش عاوز يجي ولا إيه ؟ نكونش مش قد المقام ! رد عليه عمنا الفيهم : إيه يابني اللي إنت بتقوله دا مش قد المقام إيه بس دا كان بيحكيلي حاجة مهمة جدا وماكنش ينفع مايقولهاليش هاعمل تليفون وهاجيبه وأجيلك .
وطبعا عمل تليفون وهي علي شان يبين لبهلول إني كنت بكلمه في موضوع ما ينفعش يستني وخلص التليفون ومسكني من إيدي وقالي : أبوس إيدك عدي القاعده علي خير قولتله : حاضر وروحنالهم .